Anba-bwa mwazi la

Zòt anba-bwa mwazi la. Gadé byen jan lanati ka mété-y annaks limenm a-y : atèla, lafòn é laflò ka mofwazé tout véjétal ka tonbé owa yo ; pa-anlè tapi véjétal lasa, ni on létaj la dòt kalté zèb ka pousé, kontèl mous é hazyé. La, lanati pa ka wouvè zèl a-y atout : sé piplis sé gran plant-la ka trapé tout limyè-la ki ka désann la, kifè koté-lasa, ou ka jwenn yenki varyété plant ki sav viv an lonbraj kontèl “briyofit” (adan yo ni sé mous-la), foujè, “arasé” (dieffenbachia, arum …) èvè plant ka konmansé tijé. Aprésa, lè ou ka touché 5 mèt, ou ni jenn pyébwa, piti tipyébwa é palmis ki rivé wouvè branch é fèy a yo agou a kè a yo. A 20 mèt, sé kanopé-la, kivédi fétay fondal la, otila sé pyébwa-la, pyé-mango, pyé-fig é lyann ka avwè san fwa plis limyè.