S01:E13
Bannyan-la (Ficus benghalensis) ni dé lèspésifisité. Prèmyé-la sé jan-la i ka pitité : sé on toupiti ti gèp ka chayé polèn a sé flè-la ki adan on piti ti fig. Dézyèm-la sé mannyè-la i ka démiltipliyé on koté : on pyéba pé kouvè 20 téren foutbòl é viv syèktan, oben menm santan-milan! Jenn plant a Bannyan-la, ki ka sòti adan on grenn on zozyo lagé asi on pyébwa, ka bay chouk ka pri é maré asi sa i alantou a yo é ka vin tij. Branch a sé tij-lasa ka bay dòt chouk… Sé parapòt a pòz varè lasa é pou sonjé on pawòl-anparabòl a Labib, yo ba pyé-fig la non “figyé modi” o Zanti. Lend, otila bannyan-la vwèjou, yo ka mété-y douvan ki adan mèdsin a yè ki adan ta jòdijou. Fò sav, fèy a bannyan Kalpabata la sové vi a Vishnou lèwvwè gran Lavalas (brizas-krazas)-la fèt asi Latè; Pou sé Zendyen-la, Timmamma marimanu la( sé non-lasa yo ba figyé-modi la) sé lasent Trinité… Adan Lendouizm, sé li ka rèprézanté diraj a lavi èspirityèl. Dépi 1873, an bannzil Away, Loksidan modèn fè on lalé ispésyal otila staw tout koté asi latè vin planté yenki pyé-Bannyan.