Kaz a sé Loriké-la

Mi nou la anmitan sé Loriké-la! Sé zozyo ka sanm-nou sa yo sòti Miklon, men sé an réjyon Lensilend é Nouvèl-Giné lonbrik a yo téré. Sé réjyon otila ou ka jwenn kantité modèl zozyo ou pa ka jwenn p’on dòt koté asi latè. Lorinae sé on tifanmi a sé psitasidé-la. Ni désèwten adan yo koulè a yo sitèlman kriyan kifè dépi olwen ou ka vwè-yo. Sé koulè wouj, vèt é blé, nou ké jwenn piplis akaz a yo. Kon onlo dòt zozyo asi Latè, lori é loriké andanjé é jous ni désèwten adan yo disparèt pé pran. Ès ou té sav, pli souvan ki rawman yo ka sèvi èvè mo “loriké” pou sé modèl zozyo-lasa ki ni on ké ka sanm on kòné pistach, pou séla ki ni on toupiti ké tou won, sé épi mo “lori”? Nou pé vwè sé dé modèl-la isidan.